ما هو مين بيدفي الروح بكوفية ؟؟

.

.

.. واحدة وتلت

.. الناس سهرانة لواحدة وتلت

.. و انت مسافر

.. خيط البرد ف قلبك تكتك

.. واتجمدت

.. مين بيدفي الروح بكوفية

والبنادول لصداع الدنيا

وتقابل م الخلق دى مية

جم حاوطوك

.. بس انت بردت

واحدة وتلت

..

بتقابل فى بلاد الخالق .. خلق كتير

حتى الـ أهلاً .. طعمها غير

و اللى بيمشى معاك مشاوير

ميونسش

.. عارفك زهقان

.. لتصاحب خلق يجدوا عليك

.. و الباقي ف روحك

.. مايكفيش حرب استنزاف

خايف ؟؟

.. طب مين فى العالم مش بيخاف

الناس مخلوقة بكوم حواديت

ومرور العمر قصص تنقال

والسيرة انفضت من بالك

مبقاش فيك حيل تعرف .. مين قال

أو مين كان إيه

أو تسمع عمره بيحكيه

أو حكى بقية الناس عنه

ما هو قبله صحاب

مروا فى حياتك ماستنوش

ساعة ما ندهت .. طب استنوا

.. كان العقرب

على واحدة وتلت

..

..

نشرت لهيثم دبور في المصري اليوم بعنوان : واحدة و تلت